شوفوا طريقتى فى عمل الكيكة الاسفنجية
الطريقة سهلة جدا ومش بتاخد وقت
كوب زيت
كوب سكر
كوب عصير برتقال (مهم جدا)
2 كوب دقيق
بشر برتقالة
3 بيضات
2 وكيس فانيليا
كيس بيكنج بودر
اشعلى الفرن قبل البدء فى صنع الكيكة
وضعى 3 بيضات والفانيليا فى الخلاط واضربى
وبعدين ضيفى السكر عليهم واضربى
وبعدين ضيفى الزيت عليهم واضربى
وبعدين ضيفى عصير البرتقال واضربى
وبعدين ضيفى بشر البرتقال واضربى
وهاتى بولة غويطة وانخلى فيها الدقيق مع البيكنج بودر
وصبى عليهم الخليط واحدة واحدة
وقلبى بالملعقة الخشب بالراحة علشان متخرجيش الهوا من الكيكة
وهاتى صينية مدهونة زيت وصبى عليها الخليط
ودخليه الفرن على درجة حرارة متوسطة
واتركيها حوالى نصف ساعة فى الفرن وبعدين افتحى عليها
وهاتى خلة سنان ودخليها فى الكيكة لو طلعت نظيفة يبقى الكيكة استوت من جوة وطبعا لازم يكون الوش لونه ذهبى
واتركيها تبرد وبعدين قطعيها وقدميها مع كوب عصير
الجمعة يوليو 09, 2010 2:29 am
