خدماتى تحت امر المدرسات

مرحبا بكن اخواتى الحبيبات المدرسات الوقورات
اطرح خدماتى بين ايديكن
من تريد عمل اى وسيله تعليميه مناسبه لمرحلتى رياض الاطفال والمرحله الابتدائيه تضع الموضوع والمرحله الدراسيه
وسأقوم بمساعدتها ان شاء الله
لكن كل ود وحب
السلام عليكم ورحمه الله وبركاته

تسلمي
جزاكي الله خيرا

أنا محتاجة وسيلة تعليمية لمادة الحاسب الآلى المرحلة الابتدائية اى صف من الصفوف ويبقى جزاكى الله خير

بعد اذن عاشقة تراب فلسطين طبعا

ممكن لو درس عن مكونات الحاسب الالي

لو عندك مثلا ماوس بايظ او كيبورت ممكن تستخدميه
ولو مفيش
ممكن بالفلين تشكلي علي هيئة ماوس
اما بالنسبة للكيبورت ممكن لوحة فلين وتضعي عليها ورقة وترسمي علي الورقة
شكل ازرار لوحة الكيبورت

والشاشة برضوا تستخدمي مربع فلين او كرتونة قديمة كرتونة شيبسي مثلا وتغلفيها بلون ابيض
وتطبعي ورقة مكتوب عليها مثلا جوجل وتلصقيها عليها اكنها شاشة الكمبيوتر




وبنفس الطريقة ممكن تعملي لاب توب لوحين فلين او لوحين كرتون وتضعي واحد علي الاخر بشكل عمودي





اتمني اكون افدتك يارب

جزاكى الله خيرا يا بسمه

الاخت نور الايمان
فى البدايه اى مرحله دراسيه ستدرسيها
ويجب وضع ماتريدى شرحه حتى نتمكن من مساعدتك
وفقك الله لما يحبه ويرضاه

عصفورة الجنة
تعبكم راحه ليا
المهم عندى ان تكون المدرسه المسلمه افضل مدرسه فى مصر
بانتظار طلباتك فى التربيه العملى
يسرنى خدمتكم

كيف حال اخواتى الحبيبات
ماذا فعلتن فى التربيه العملى
انتظر ردودكن

عصفورة الجنة
الله يوفقك ويجعلك من انجح المدرسات
بدااايه قويه
لكن احذرى حبيبتى ان الاولاد قد يدعوا ويتظاهروا انهم اطفال صغار يريدون الاكل والشرب واللعب
احذرى منهم فالطفل ذكى جدا اجمعى بين الحزم واللطف

انا بقي دخلت طول اليوم احتياطي
لسه الجدول هيتوزع الاسبوع الجاي

ياريت علي اد الاكل
دول عايزين يتنططوا فوق الديسكات ويضربوا بعض
ويهزروا ويضحكوا
احاول اتعامل بالسياسة لازم تتطلع شلة ما تنفعش معاها السياسة
ولما اتعامل بالحزم والشخط لازم بردوا شلة تقعد تضحك ومتخفش

وعموما البنات اهدي بكتير
وسنة سادسة دول ربنا ينتقم منهم
احلي فصلين دخلتهم سنة تانية ورابعة

قعدت العب معاهم شمس قمر وقيام جلوس ولعبة الاستيكة
كانوا مبسوطين اوي ومش عايزني امشي زعلوا لما الجرس ضرب
وضحكوا عليا وقالولي ده جرس كي جي وكانت عندي حصة بعدها وتنتني قاعدة لقيت المدرسة دخلت وبتقولي بعد اذنك حصتي






اما بقي الاطفال مش مخ اطفال مخ شباب

واحدة زميلتي كانت في فصل تالتة ابتدائي الولد بيقولها البادي بتاعك مش كارينا اصلي
ههههههههههههههههههههههههههههههههههههههههههه






بس ده ملخص اليوم الكئيب

الاخت المسلمه بسمه
انتى اللى شوفتيه قليييييييييييييييل
لازم تنتبيهى الاولاد مش عايزين يلعبوا ويتنططوا هما عايزين يعطلوا الحصه ويلخبطوكى
لازم تكونى حازمه لكن مش كل الوقت
لازم تفرقى اماكن الشلل ميكونوش قاعدين جنب بعض
وطبعا دلوقتى الاطفال مش اطفال
الله يوفقك

عندك حق المرة الجاية حتي لو دخلت احتياطي هبتديها هقولهم طلعوا الكتاب
وهسالهم
لكن اللي حصل امبارح اني ادلعهم ويلا نلعب مش نافع
لانهم تقريبا عايزين الحصص الاحتياطي تكون العاب

لا حبيبتى
ادخلى اسأليهم فى اللغه العربيه أسأله بسيطه ثم اصعب فاصعب مع عمل مسابقات لو تمكنتى مثلا بين الاولاد والبنات
الاولاد هيحبوا الحصة واللغه العربيه والمدرسه
سددكى الله

كيف حالكن حبيباتى
ايه اخبار التربيه العملى ؟